Camiños de Santiago

#PadrónXacobeo porque fomos o punto de chegada da barca que trasladaba os restos mortais do apóstolo Santiago e por ser tamén lugar no que predicou o evanxeo en vida. Consérvase aínda hoxe unha ara romana á que din que foi amarrada a barca: é o Pedrón, que se pode ver no interior da igrexa parroquial de Santiago.

En conmemoración dos feitos anteriores realízase un dos #CaminosdeSantiago por mar e río: o Roteiro Xacobeo do Mar de Arousa e Río Ulla. Se chegas ou partes de Santiago e queres visitar o lugar no que predicou o Apóstolo, podes realizar o Camiño da Pedronía, documentado desde moi antigo e que se pode facer camiñando nun só día.

Por aquí pasa tamén o Camiño Portugués, que segundo parece, xa existía na época altomedieval. Padrón, como vila medieval, nace nun cruce de camiños e foi lugar de peregrinacións desde a Idade Media.