Nicasio Pajares

Naceu o 15 de decembro de 1881 en Padrón. Aos 14 anos emigra a Montevideo, onde vive o seu tío. Máis tarde regresa a Padrón e aquí comeza os seus estudos de contabilidade que rematará despois en Madrid.

Logo decide volver a emigrar, esta vez a Arxentina, onde funda con algún amigo  El Despertar Hispánico. En Buenos Aires dedícase por enteiro á literatura e ao xornalismo. No 1923 publica a súa primeira novela, El conquistador de los trópicos, que inaugura o subxénero de novelas de dictadores. A esta obra séguelle El pensador de la selva, Atorrántida, Don Quijote y el tío Sam e Como pervirtieron a Palleiros. Morre o 26 de abril do 1956 e é soterrado no madrileño cemiterio de La Almudena.