Padrón Literario

En Padrón SOMOS #Literatura… Neste apartado levámoste a descubrir os autores de Padrón. Rosalía de Castro, Camilo José Cela, Macías o Namorado, pero hai máis… Coñéceos! #PadrónLiterario

Padrón é unha vila que conta cunha longa e histórica tradición literaria, sendo berce de autores do porte de Macías o Namorado, trobador medieval (s. XIII–XIV), Juan Rodríguez de la Cámara ou de Padrón (1390-1450), a universal poetisa Rosalía de Castro (1837–1885), Nicasio Pajares Ogeros (1881-1956), Manuel Vázquez Castro, coñecido por ‘Manuel Barros’ (1844–1888) ou o premio Nobel de Literatura, Camilo José Cela (1916–2002).

Durante o mes de maio, o Concello de Padrón, co apoio das principais entidades culturais locais, organiza o Padrón Literario, unhas xornadas de divulgación da literatura padronesa que contan cunha ampla programación dirixida a público de todas as idades, involucrando especialmente ao público infantil. Obradoiros, presentacións, recitais ou concursos literarios son algún exemplo das actividades destas xornadas que, con cada edición gañan en boa acollida e participación.