Pazo do Bispo de Quito

Se nos internamos nas rúas medievais da zona antiga de Padrón, moi preto da igrexa de Santiago, na rúa das Dores levántase este pazo urbano, o pazo do bispo de Quito.

Construído en 1666, este edificio renacentista obra de Melchor Velasco Agüero, foi propiedade de Alonso de la Peña e Montenegro, bispo e reitor da Universidade de Santiago de Compostela e capitán xeral en Quito, onde faleceu en 1688. A pesar de que a igrexa de Santa María A Maior de Iria Flavia custodia o sartego do bispo de Quito, o seu corpo nunca puido ser traído de volta ao noso país.