Monumento a Macías O Namorado 

Escultura en granito de Macías o Namorado. A Macías atribúenselle 21 poemas do Cancioneiro de Baena (Madrid, 1851) e (Leipzip, 1860): “Cautivo da miña tristura”, “Amor cruel e brioso”, “Senhora en quien fiança”, “Provei de buscar mesura”, “Con tan alto poderío”. A súa vida está vencellada a unha tráxica historia de amor.

A peza foi realizada polo escultor e restaurador padronés Alfonso Sanmartín Abelleira (1924-1983). A este artista atribúeselle a creación de doce dos dezasete cruceiros que forman o único Vía Crucis Marítimo-Fluvial no Camiño Mar de Arousa-Río Ulla (1960). Destaca especialmente o conxunto de tres cruceiros en memoria de Santiago Apóstolo e os seus dous discípulos Atanasio e Teodoro. Alfonso Sanmartín tamén foi o creador da placa conmemorativa na honra a Rosalía de Castro localizada nunha edificación da rúa Juan Rodríguez de Padrón.