Praza de abastos

Un punto de Padrón que tamén concentra unha grande cantidade de visitantes é a súa praza de abastos, un centro de mercado tradicional que conta con postos de alimentación dedicados principalmente á venda de produtos gastronómicos frescos e de proximidade, artigos de primeira calidade a prezo acomodado.

Carnes seleccionadas, peixes e mariscos da ría, froitas e verduras de tempada, pan artesán, queixos, embutidos e licores chaman a atención da numerosa clientela que elixe apostar polo consumo de produtos locais de confianza.

ENDEREZO: Campo do Souto, Padrón (Santiago) 15900 Padrón (A Coruña)

GPS: 42.73631425700651  -8.661581955358201

HORARIO: luns a domingo: 9.00 a 15.00 h.