Camiño Portugués

O Camiño Portugués de Santiago é un dos máis percorridos por milleiros de peregrinos cada ano. Ten o seu inicio en Lisboa (Portugal). Os seus dous principais puntos de saída son Porto (Portugal) e Tui (Pontevedra). Ademais do trazado tradicional, ten unha variante que transcorre pola costa nos concellos de A Guarda, Baiona, Nigrán e Vigo.

En Padrón comeza a penúltima etapa do Camiño Portugués. Neste punto, especialmente simbólico, por ser aquí onde a tradición xacobea sitúa a chegada do corpo do Apóstolo, é doado ver a diario ducias de persoas peregrinas percorrendo a vila e os arredores. O Concello de Padrón conta cunha ampla infraestrutura de aloxamentos e servizos turísticos para atender a este perfil de visitante. Ademais do Albergue Municipal de Peregrinos aquí atopamos varios albergues privados, así como establecementos doutro tipo (hoteis, pensións, vivendas de uso turístico e aloxamentos de Turismo Rural).

+ info sobre a ruta pincha aquí 

Ao finalizar esta etapa recomendámosche asistir á misa e bendición do peregrino no​ Convento de Herbón normalmente ás 20:00 h. (consultar horarios) Compartímola no seguinte vídeo:

​