Camiño de Santiago

En Padrón SOMOS berce do Xacobeo,  #CamiñodeSantiago… Neste apartado recomendámosche algunhas das rutas que podes realizar en varios días. E se só dispós dunha xornada podes descubrir o Camiño de Santiago a Padrón: #Pedronía #PadrónXacobeo

Padrón garda unha forte vinculación co Camiño de Santiago e coa figura do Apóstolo. Foi nestas terras onde, segundo narra a tradición xacobea, Santiago o Maior predicou o Evanxeo, feito polo cal, logo do seu falecemento en Haffa (Palestina), o seu corpo foi traído por dous dos seus discípulos, Teodoro e Atanasio. Teodoro e Atanasio emprenderon entón unha singradura co corpo do Apóstolo ata o Porto de Murgadán, Iria Flavia, onde, á súa chegada, a súa barca é amarrada a unha ara romana situada no río Sar, o Pedrón, que actualmente se atopa baixo o altar maior da Igrexa de Santiago, no municipio de Padrón. Deste xeito, Padrón pasou a converterse no “Berce do Xacobeo”, feito do cal dan testemuño diversos elementos patrimoniais que podemos atopar no municipio.

Padrón, como vila medieval, nace nun cruce de camiños, lugar de peregrinacións desde a Idade Media. No municipio existen varios Camiños de Santiago que se cruzan: o Camiño Portugués, que presumiblemente xa existía na época altomedieval; a Ruta do Mar de Arousa e o río Ulla, que conmemora a chegada a Galicia por mar do corpo do apóstolo Santiago, e o Camiño da Pedronía