Padrón vén de ser recoñecido como Pueblo Mágico, un título que pon en valor o noso patrimonio, a nosa identidade e o traballo colectivo realizado ao longo dos últimos anos. Esta distinción está impulsada pola Rede de Pueblos Mágicos de España e polo Instituto de Desenvolvemento Local e Estudos Sociais (IDL).
Entre o 3 e o 10 de novembro, rexistráronse mais de 145.000 votacións en todo o Estado. En Galicia participaron arredor de 13.000 persoas, das que o 49.2% votou por Padrón, arredor de 6.300 apoios que sitúan ao municipio como o máis valorado da comunidade.
O Concello quere trasladar o seu agradecemento á veciñanza, ás asociacións, aos colectivos e ás entidades que colaboraron na divulgación da candidatura. Este resultado é froito da implicación social e do compromiso compartido por seguir impulsando o que nos fai singulares.
O título de Pueblo Mágico de Galicia supón un paso máis no camiño iniciado para continuar promovendo un turismo sostible, fortalecer a cultura local e protexer o noso patrimonio.