Novas

O Xardín Botánico Artístico de Padrón únese á rede de destinos Observer con interese científico

6 Feb 2023 | Turismo

Dende o pasado mes de xaneiro, o Xardín Botánico Artístico de Padrón suma aos seus innumerables recoñecementos a certificación Observer para espazos singulares. Tal e como subliña a concelleira de Turismo de Padrón, Lorena Couso, “trátase dun selo de calidade que recoñece tanto o seu alto valor natural como o seu óptimo estado de conservación ou as facilidades que ofrece para coñecelo e visitalo, todas elas circunstancias que lle permiten sumarse á Rede de destinos Observer con interese científico”.

Entre os puntos fortes do Xardín botánico padronés, a certificación Observer salienta a simbiose entre natureza e cultura con “numerosas especies botánicas catalogadas como singulares e multitude de puntos de interese que fan referencia a autores locais que definiron a historia de Galicia”. Tamén destaca as “coidadosas” medidas de conservación do parque e a “abundante información dispoñible” na páxina web de Turismo de Padrón e no propio parque, que conta con códigos QR situados nas principais localizacións.

Outro dos puntos nos que incide a certificación é a realización de visitas guiadas e de actividades para os colexios, subliñando a aposta por empresas da zona para levalas a cabo.

A inclusión do Xardín botánico artístico de Padrón na rede de destinos Observer con interese científico enmárcase nas accións que está a desenvolver a Concellaría de Turismo para promocionar o patrimonio padronés en todos os ámbitos e atraer visitantes con perfís específicos, contribuíndo tamén á creación de novos produtos e á desestacionalización. Ademais, apunta a concelleira Lorena Couso, “queremos que a xente de Padrón coñeza cada vez mellor os excelentes recursos cos que contamos, que se sinta orgullosa deles e os desfruten”.

Observer é unha entidade certificadora especializada en sistemas de calidade para empresas e destinos de turismo científico e conta na actualidade con máis de 400 destinos recoñecidos en toda España, na súa maioría en Galicia. Entre os seus obxectivos atópase precisamente o de contribuír a impulsar espazos, na maioría das ocasións pouco coñecidos, de gran interese científico para outorgarlle maior visibilidade.

 

Padrón Turismo
Política de privacidade

Este sitio web emprega cookies para ofrecer a mellor experiencia de usuario posible. A información das cookies almacénase no navegador web e permite un correcto funcionamento do sitio web, así como facer un seguimento anónimo do uso do mesmo con fins estatísticos e para axudarnos a mellorar a información e contidos recollidos neste.

A efectos dos datos recollidos e o seu responsable poñemos a seguinte información a súa disposición

Responsable do tratamento: Concello de Padrón

Finalidades: Xestión das consultas recibidas desde a web e o análise das estatísticas das visitas web.

Lexitimación: O interese lexítimo de ambas as partes.

Destinatarios: Non se efectuará comunicación algunha a outras entidades, salvo consentimento expreso ou aquelas comunicacións que se producen por obrigación ou necesidade legal. Non se producen transferencias a terceiros países ou organizacións internacionais que non ofrecen garantías adecuadas.

Dereitos: Tes dereito a acceder, rectificar e suprimir os datos así como outros dereitos, como se explica na política de privacidade e protección de datos. Procedencia dos datos: Os datos proceden do interesado.